NG - sports感谢南北交通个便利、感谢物资供应个充足，今朝，上海人个饮食生活更加丰富多彩了。以前，上海个原始居民，也就是本地人，吃惯了本地风味个菜点，像八大碗、八小碗之类，表现勒今朝个本帮菜浪，所谓经典菜式其实也就是迭能介几样，再讲，里向有几样还是从其他菜馆抄作业抄来个。但是啊，百年风云浩浩荡荡ng体育，上海勒勿断个容纳全国各地个风味，于是，魔都就成为了中国最大个美食大观园，山珍海味是样样有呀。

　　不过，上海人对饮食个选择，往往是人云亦云，听讲啥个好吃，就去吃吃看，搿大概也叫作集体无意识伐。改革开放以来，先是粤菜大流行，行得勿得了，挨下来，是潮州菜，接下来是重庆火锅，辣得上海人是欲罢不能啊。再挨下来是杭州菜，价廉物美侪去吃，湘菜搭仔滇菜也出过几年风头个，同样是辣ng体育，伊拉辣得别有风味。近年来呢，是宁波菜搭仔新派上海菜走俏了。

　　具体讲起来呢，是先吃蛇搭仔河鳗，后首来吃龙虾、象鼻蚌、石斑鱼；再吃日本料理、韩国烧烤、越南菜、新加坡菜、印度菜咾啥；近年来，又是香辣蟹、富贵虾、小龙虾、帝王蟹、龙趸鱼得宠，还有啥个“忘不了鱼”，身价真个是直往上头窜呀。

　　大吃特吃个吃货朋友，究竟有得多少是凭自家个感觉去吃，我是怀疑个。反正是行啥吃啥咾。

　　劳动人民家庭出身个，红烧肉基本浪是霸占了C位。而身价上亿个土豪呢，是呒没啥值得真正欢喜个私房菜个。所以，像光明村、大富贵搿能个本帮菜馆生意邪气兴隆，讲得好听点叫怀旧，难听点就是对搿几只菜熟咾。现在，消费主体越来越年轻化，有些高端饭店，据说已经是零零后成为了老板搭大堂经理极力讨好个主力军了。年轻人消费观念新潮，但是文化积累勿足，饮食经验有限。人家吃了伊拉假使勿吃，就觉着是落伍了，是邪气呒没面子个。难怪唐振常先生老早就感叹了：伊拉搿排人根本勿懂得吃个。

　　勒计划经济时代，上海个早点心做得相当精致，一只角子一副大饼油条，做得是一丝不苟呀。油条个长度搭仔大饼个直径侪有定规个，规格勿到要受处罚个。豆腐浆个浓度也有讲究，店家绝勿会勒生意好个辰光去掺水。咸浆一定要起花，碗底个油条、紫菜、榨菜、虾皮，一样也勿好少。假使咸浆勿起花，就要拨老顾客骂山门了。现在，眷村个咸豆浆卖得介贵，但是总归勿起花。

　　假使侬到北方城市去跑一埭，就会得晓得上海个早点心是哪能介个“工匠精神”了ng体育。但是，长期以来，北方人总归要嘲笑上海人，讲小馄饨么介小，小笼馒头一笼里向居然有得十只，汤团已经是搓得老老小了，里向还要塞满芝麻。哦哟，上海居然有得半两头个粮票个！

　　勒北方，糕饼面点侪是论斤头买个，油条炸好摆勒门板浪出售，冷脱也无所谓，买个人一买就是一捆，拎了就跑，邪气有豪气呀。饺子咾、馒头咾勿仅仅是大，端上来就是一大盘。北方人认为上海人个肚量小，气量小，格局也就小。

　　上海人真个小气伐？勿是个呀。勒点心制作浪，上海人搿能个计算是有道理个。点心点心，本来就是点点饥个，小巧，精致，体现个是吃个艺术。本来就勿是主食，做啥要吃饱呢？假使要吃饱末，有得大馄饨，大个肉馒头，有得八宝饭。半两粮票个发行，是精细化管理个体现，上海人，即使勒生活困难个辰光也勿会得放弃对生活品质个追求，上海人实在是有腔调个。

　　迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。

　　本文为澎湃号作者或机构在澎湃新闻上传并发布，仅代表该作者或机构观点，不代表澎湃新闻的观点或立场，澎湃新闻仅提供信息发布平台。申请澎湃号请用电脑访问。